PERCHENOGION CI - PRYDERON AM DA BYW - ARDAL GWENT!

Neges i berchnogion cŵn ledled Gwent – Cadw da byw yn ddiogel!

Annwyl {FIRST_NAME}

Dros yr wythnosau diwethaf, rydym wedi cael sawl adroddiad am gŵn yn rhedeg ar ôl neu'n ymosod ar ddefaid ac ŵyn yn Ardal Gwent. Gall y digwyddiadau hyn fod yn hynod o ofidus i ffermwyr ac achosi niwed gwirioneddol i'r anifeiliaid dan sylw.

O dan Ddeddf Cŵn (Diogelu Da Byw) 1953, mae caniatáu i'ch ci boeni da byw yn drosedd. Mae poeni yn cynnwys mynd ar ôl neu ymosod ar anifeiliaid mewn ffordd a allai achosi anaf, dioddefaint neu straen.

Rydyn ni'n gwybod bod y rhan fwyaf o berchnogion cŵn yn gyfrifol ac eisiau gwneud y peth iawn. Mae cadw'ch ci dan reolaeth o amgylch da byw yn amddiffyn pawb – yr anifeiliaid, y ffermwyr, a'ch ci hefyd. Mewn rhai sefyllfaoedd, mae gan ffermwr ganiatâd cyfreithiol i gael gwared ar gi os ydyn nhw'n credu mai dyma'r unig ffordd i'w atal rhag niweidio eu da byw, ac nid oes yr un ohonom ni eisiau i bethau gyrraedd y pwynt hwnnw.

❗ Cadwch eich ci ar dennyn ger da byw, a gwnewch yn siŵr na allant ddianc o'ch eiddo. Os gwelwch chi gi yn rhydd ac yn poeni anifeiliaid, rhowch wybod i ni ar unwaith.

cysylltwch â Heddlu Gwent ar 101, e-bostiwch contact@gwent.police.uk neu anfonwch neges uniongyrchol at Heddlu Gwent.